धन्य पूर्णिमा, उधौली र योमरी पूर्णिमा मनाइँदै

काठमाडौं । आज धन्यपूर्णिमा, उभौली र योमरी पर्व हर्षोल्लासका साथ मनाउँदै छन् । मंसिर शुक्ल पुर्णिमाका दिन मनाईने धन्यपूर्णिमालाई योमरी पुर्णिमा पनि भनिन्छ ।

योमरी नयाँ धानबाट बनेको चामलको पीठो, चाकु र तिलबाट बनाईन्छ । नयाँ चामलबाट बनेको खीर, चामलको पीठोको बाबर र चामलको पिठोबाटै बनेको पुवा पकाएर कुलदेवतालाई चढाउने परम्परा छ ।

यस्तै, आज नै किराती समुदायले उभौली पर्व पनि मनाउँदै छन् । पितृको मान र प्रकृतिको सम्मानका रुपमा किराती समुदायले उभौली पर्व मनाउँछन् । उभौली पर्वमा किरात समुदायका याक्खाले चासुवा, सुनुवारले फोलस्यादर, राईले उभौली साकेला र लिम्बुले चासोक तङनाम मनाउँछन् ।

किराती समुदायले खेतीपाति राम्र होस् भनी उभौली र खेतीपाति राम्रो गरेकामा उधौली पर्व मनाउँछन् ।