नेकपा एमालेका उम्मेदवार उमा शेर्पाले आज मनोनयनपत्र दर्ता गर्दै

काठमाडौं । दोलखाको गौरीशंकर गाउँपालिकामा मंसिर १६ गते हुने उप निर्वाचनको लागि नेकपा एमालेको तर्फबाट उपाध्यक्ष पदका उम्मेदवार उमा शेर्पाले आज मनोनयनपत्र दर्ता गर्दै छिन । काठमाडौंमा गौरीशंकर पालिका सम्पर्क मञ्चले आयोजना गरेको बृहत भेलामा उम्मेदवार सिफारिसपत्र बुझ्दै आज उपनिर्वाचनको लागि मनोनयनपत्र दर्ता गर्न लागेकी हुन् ।

शनिवार गौरीशंकरका स्थायी मतदाताहरुसंग परिचय र भेटघाट कार्यक्रममा बागमती प्रदेशका इन्चार्ज डा. राजन भट्टराईले उमा शेर्पालाई नेकपा एमालेको उपाध्यक्ष उम्मेदवार सिफारिसपत्र हस्तान्तरण गर्नुभएको थियो । अगुवा कार्यकर्ता भेलामालाई सम्वोधन गर्नुहुँदै इन्चार्ज डा. भट्टराईले शेर्पाको जित भैइसकेको र आफ्नो प्रतिबद्धताको खाका तयार गरी राख्न अनुरोध गर्नुभयो ।

कार्यक्रममा उम्मेदवार शेर्पाले गौरीशंकरमा नेकपा एमालेको नेतृत्व विना संवृद्ध गौरीशंकर निर्माण गर्ने सपना पुरा नहुने भएकोले निर्धक भएर आफुलाई मतदान गर्न आग्रह गरिन् । उहाँले आफु विकृती र विसंगतीको विरुद्ध लड्दै आएकोले पालिकाको हरेक गतिविधीहरु पारर्दशीता गर्ने प्रतिवद्धता व्यक्त गरिन् ।

कार्यक्रममा नेकपा एमाले दोलखाका पार्टी इन्चार्ज पार्वत गुरुङ, पोलिटव्युरो सदस्य आनन्द पोखरेल, इश्वर बहादुर रिजाल, एमाले दोलखाका अध्यक्ष नर बहादुर श्रेष्ठ लगायत नेताहरुले सम्वोधन गर्नुभएको थियो । गौरीशंकर गाउपालिकाको तत्कालिन उपाध्याक्ष श्यामसुन्दर तामाङको २०८० असार ३१ गते हृदयघातको कारण निधन भएपछि सो रिक्त पदमा उपनिर्वाचन हुन लागेको हो ।

त्यसैगरी, निर्वाचन आयोगको कार्यतालिका अनुसार मंसिर १६ गते हुने उपनिर्वाचनमा भाग लिने उम्मेदवारहरुको लागि आज गौरीशंकर गाउपालिका कार्यपालिकामा मनोनयनपत्र दर्ता हुदैछ ।