नेपालको कृषि र पर्यटनलाई बीआरआर्ई फ्रेमवर्क मार्फत अगाडि बढाउँदै

काठमाडौं । नेपालको कृषि र पर्यटनलाई बीआरआर्ई फ्रेमवर्क मार्फत अगाडि बढाउँन संम्बाद कार्यक्रम सम्पन्न भएको छ । फाउन्डेसन अफ ट्रान्सहिमालयन रिसर्च एन्ड स्टडिजको आयोजना र फ्रेन्ड्स अफ सिल्क रोड क्लब नेपालको सहकार्यमा बीआरआई फ्रेमवर्क सम्बाद कार्यक्रम सम्पन्न भएको हो ।

मंगलबार काठमाडौमा सम्पन्न कार्यक्रममा कृषि तथा पशुपन्छी विकास मन्त्री रामनाथ अधिकारीले नेपालको पर्यटन र कृषि क्षेत्रमा चीनको निरन्तर समर्थनको प्रशंसा गर्दै दुई देशबीचको ऐतिहासिक मित्रता हरेको चर्चा गरेका थिए । उनले चीनसँग भैंसीको मासु निर्यातका लागि गरिएको सम्झौतालाई नेपाल–चीन बीच आर्थिक सम्बन्धको प्रगति हुने धारणा व्यक्त गरे ।

मन्त्री अधिकारीले नेपाललाई कृषि र पर्यटन क्षेत्रमा प्रविधि र लगानीको ठूलो आवश्यकता रहेको औंल्याउँदै बीआरआई फ्रेमवर्क अन्तर्गतका परियोजनाहरू कार्यान्वयन गर्न सरकार प्रतिबद्ध रहेको बताए । उनले चिनियाँ सरकारलाई समर्थनका लागि धन्यवाद दिँदै परियोजनाहरूले नेपालको दीगो विकासमा सहयोग पु¥याउने विश्वास व्यक्त गरे ।

कार्यक्रममा चिनियाँ राजदूत छेन सोङले पनि सम्बोधन गर्दै बीआरआई अन्तर्गत कृषि र पर्यटन क्षेत्रमा चीनले नेपाललाई सहयोग गर्न तयार रहेको जानकारी दिए । उनले नेपाललाई चिस्यान गृह(कोल्ड स्टोरेज), ताजा मासु र तरकारी उत्पादनमा ध्यान दिन, चीनका आयात–निर्यात मापदण्डअनुसार गुणस्तर सुनिश्चित गर्न, र कृषि आधुनिकीकरणका लागि परम्परागत खेती प्रणालीलाई प्रविधिमा रूपान्तरण गर्न सुझाव दिए ।

उनले बीआरआई परियोजनाहरू नेपालका लागि आधुनिक कृषि प्रणाली स्थापना गर्न महत्वपूर्ण हुने बताउँदै यी परियोजनाहरूले चीनबाट आधुनिक पशुपालन र कृषि प्रविधि भित्र्याउने उल्लेख गरे । पर्यटन क्षेत्रमा, चीनले नेपालको सांस्कृतिक पर्यटन प्रवद्र्धन गर्न र नेपाली पर्यटनलाई चीनमा प्रचारप्रसार गर्न पनि इच्छुक रहेको जानकारी गराए ।

कार्यक्रममा पर्यटन क्षेत्रमा डा. कल्याणराज शर्मा, कृषि क्षेत्रमा डा. यमुना घले र पशुपालनमा डा. श्रीराम न्यौपानेले कार्यपत्र प्रस्तुत गरेका थिए । कार्यक्रममा फाउन्डेशनका अध्यक्ष आनन्द प्रसाद पोखरेलले दुई देशबीचको सम्बन्ध, बीआरआई फ्रेमवर्क अन्तर्गतका अवसर र कृषि तथा पर्यटन क्षेत्रमा रहेको सम्भावनाको बारेमा चर्चा गरका थिए ।

त्यस्तै, कार्यक्रममा सहभागीहरूले कृषि क्षेत्रको विकासप्रति चिन्ता व्यक्त गर्दै सरकारले बीआरआई परियोजनालाई समयमै अन्तिम रूप दिई कार्यन्वयनमा ल्याउन सुझाव दिए । कार्यक्रममा कृषि र पर्यटन क्षेत्रका विज्ञहरुको सहभागिता थियो ।

तस्विरः किशोर कुमार गुरुङ