१
Advertisement
काठमाडौं । अविरल वर्षाका कारण देशभरको जनजीवन प्रभावित भएको छ । काठमाडौं उपत्यका लगायत देशभर बिहानैदेखि भारी वर्षा भएका कारण जनजीवन प्रभावित भएको हो ।
वर्षाका कारण कामकाजमा हिँड्नुपर्नेहरु समस्यामा परेका छन् । उनीहरूको वर्षाको कारण दिनचर्या नै बिथोलिएको छ । पैदल हिँड्नुपर्ने, साइकल तथा मोटरसाइकल चलाउनेहरु वर्षाका कारण प्रभावित भएका हुन् ।
काठमाडौं उपत्यकामा काम जाने र फर्किने क्रममा कतिपय सर्वसाधारणहरू पानीमा रुझ्दै र कोहि छाता ओडेर हिँडिरहेका छन् । साइकलमा सामान बोक्ने, फुटपाथमा ब्यापार गर्ने, ट्राफिक प्रहरीहरु पानी पर्दा पनि आफ्नो काममै जुटिरहेका छन् ।
साथै आगामी २४ घण्टाका लागि देशभर नै मनसुन सक्रिय रहने मौसम पुर्वानुमान शाखाले जनाएको छ । वर्षातको कारण ठूला तथा साना नदी नाला र खोलाहरूमा पानीको सतह बढ्ने र कृषि, सडक तथा हवाई यातायातमा पनि असर पर्ने सम्भावना रहेकाले सतर्कता अपनाउन मौसमविदले सुझाव दिएका छन् ।
