बबरमान तामाङको सभाध्यक्षमा सुनापतिमा १४ जना जेष्ठ नागरिक सम्मानित

रामेछाप। सुनापति गाउँपालिका वडा नं. ३ स्वाँरामा धार्मिक प्रबचन तथा बृहत सास्कृतिक कार्यक्रम साथै ७० वर्ष माथिका जेष्ठ नागरिक सम्मान कार्यक्रम बिहीबार सम्पन्न भएको छ ।

स्ह्यार गुम्बाको आयोजनामा सुनापति गाउँपालिका वडा नं. ३ स्थित साविक वडा नं. २ को १४ जना जेष्ठ नागरिकलाई दोसल्ला ओढाइ सम्मान गरिएको छ। यसैबीच गुम्बाले ८० वर्षदेखि माथिका ३ जना जेष्ठ नागरिकलाई दोसल्ला ओढाइ मायाको चिनो सहित सम्मानित गरेको हो ।सो अवसरमा स्ह्यार गुम्बा निर्माणको लागि जग्गादाता ज्ञानीमाया तामाङ, गुम्बा निर्माण कमिटीका अध्यक्ष प्रेमबहादुर तामाङलाई  दोसल्ला ओढाइ मायाको चिनो सहित सम्मान गरिएको थियो । 

स्ह्यार गुम्बाका अध्यक्ष बबरमान तामाङको सभाध्यक्षमा सम्पन्न भएको कार्यक्रममा श्रेद्धय धर्मगुरु देलेक स्याक्या लामा प्रमुख अतिथी रहेका थिए । कार्यक्रमका विशेष अतिथी सुनापति गाउँपालिका प्रमुख प्रशासकीय अधिकृत कमलराज श्रेष्ठ, सुनापति गाउँपालिका ३ नं. वडा अध्यक्ष बाबुराम तामाङ, नेपाली कांग्रेस सुनापति गाउँपालिकाका उपसभापति मिलन मोक्तान, सुनापति गाउँपालिका पशु विभाग प्रमुख खड्क कुमार मैनाली, महिला विभाग प्रमुख उर्मिला दाहाल, पञ्जिकरण विभाग प्रमुख लक्ष्मी मगर, डम्फु संघका उपाध्यक्ष धन कुमारी तामाङ, बौद्ध जागरण केन्द्रका सदस्य केशरी स्याङवो, कुमारी लामा, लगायत विभिन्न संघसंस्थाका प्रतिनिधिहरूको उपस्थिती रहेका थिए ।

कार्यक्रममा सुनापति गाउँपालिका प्रमुख प्रशासकीय अधिकृत कमलराज श्रेष्ठले जेष्ठ नागरिकको सम्मान र प्रोत्साहनका लागि सदैव तत्पर रहेको बताउँदै जेष्ठ नागरिक समाजको मार्गदर्शक भएको बताउँदै उहाँहरुको अनुभवबाट धेरै कुरा सिक्न सकिने बताए। कार्यक्रममा वडा नं. ३ का वडा अध्यक्ष बाबुराम तामाङले जेष्ठ नागरिकलाई सम्मान गर्ने संस्कारको विकास गर्नुपर्नेमा जोड दिँदै उनले एक दिन मात्रै नभएर जेष्ठ नागरिकलाई सधैं सम्मान गर्नुपर्ने बताए।

यस्तै कार्यक्रममा बोल्दै गुम्बाका  अध्यक्ष एवं कार्यक्रमका सभाध्यक्ष बबरमान तामाङले समाजमा इतिहासका रुपमा हेरिँदै आएका जेष्ठ नागरिक  परिवार र  समाजका गहना भएकोले सबैले जेष्ठ नागरिकहरुलाई आदर र सम्मान गर्नुपर्ने बताए । 

स्ह्यार गुम्बाको  प्रागानमा भएको धार्मिक प्रबचन तथा बृहत सास्कृतिक कार्यक्रम साथै जेष्ठ नागरिक सम्मान कार्यक्रममा ख्यातिप्राप्त कलाकारहरू नवराज घोरासैनी, आशा लामा (ज्ञानमाला)  सूर्यमणि आचार्य, राजेन्द्र गिरि (जादुगर), सुनिता सुनेल, अरुन लामा, रोजी थापाको बेजोड प्रस्तुति दिएका थिए भने, कार्यक्रम सञ्चालक प्रवीन कुमार बलले गरेका थिए ।